Wednesday, October 24, 2007

المرأه الاستثنائيه




قال لي في أول لقاء لنا



أنت المرأه الاستثنائيه التي كنت أبحث عنها
لازمني الغرور
وصرت أحسب حساب الكلمات



فكل كلمه مدروسه
وكل جمله محسوبه
وكل تصرف لابد من
التفكير به الاف المرات





ولم لا ألست المرأه الاستثنائيه؟

ضبطته مره يتكلم بهاتفه المحمول مع امرأه بصوت هامس فثارت ثائرتي وصرخت في

وجهه غاضبه ثائره




قال لي بكل برود:اياك والشك فأنت امرأه استثنائيه ولهذا أحببتك



مره أخرى رأيته يجالس شقراء في مقهى فغبت عنه طويلا وتجاهلت جميع اتصالاته الملحه



:وعندما جاء الى بيتنا كدت أطرده لكنه قال لي



أنت كجميع النساء تختلقين المشاكل وتشكين حتى في نفسك



وكان سبب فسخ الخطوبه .............لك انت تخمن



ما شئت فهو صحيح



بعد سنه



رافقني خطيبي الثاني الى مقهى جميل على شاطئ البحر



قال لي : هل تعلمين لما اخترتك انت بالذات؟



!وعندما سألته :لماذا أنا بالفعل؟



.قال لي :لأنك امرأه استثنائيه



رميت الخاتم في وجهه وغادرت



منقول


قامت بالمعالجه الدراميه والمونتاج


فتافيت السكر

20 comments:

أميرة البلطجية said...

امتنع عن الرد لحين المكالمة الهاتفية حيث انى تعليقي حيكون نوع من التسييح اللي مرضاهوش لأى عضوة في الحزب
انا رجعت يا بتش
:)

MiraMar said...

الحمد لله على سلامتك ياأختشي
ومنوره كالعاده
كان لازم ترجعي
الدنيا كانت وحشه اوي من غيرك
كل شويه أروح عندك ألاقيكي مضلمه البلوج
ومقفله الشبابيك والبيبان
أتقهقر
بس النهارده بجد عيد
:)))))))))))))))))))

بيتنا القديم said...

ميرامار
......
هل تعلمين لماذا ادائب علي دخول مدونتك
وقراءة جميع اعمالك..ولماذا إخترت مدونتك انت بالذات؟!!
.
.
.
.
لأنك كاتبة مميزة..!!

بيتنا القديم said...

أوووووووه
ونسيت ان اقول
وإستثنائية ايضاً..!!

Jana said...

باستثناء ان صاحبتناامرأة استثنائية الا ان..ولا تنسى ان الا اداة استثناء
المهم..الا ان صاحبتنا كانت المفروض تستثنى هذا الخطيب الاولانى من قائمة الرجال المحترمين..ولا تحاسب الاخر على اخطاء الاول..الا اذا ..والا هنا اداة استثناء برضه..المهم الا اذا صدر منه ما يجعله هو الآخر مستثنى من نفس القائمة السابقة

استخرجى مستثنى منه مرفوع بالفتحة
اداة استثناء جازمة(بالشوز القديمة)
ثم اعربى ما استخرجتيه ورجعيه مكانه تانى

وحشتينا يا شيخة
ايه ده

دمتى طيبة

None said...

شكلك مدونه استثنائيه
هه
:)
وسلااااااااام

رفقة عمر said...

شكرا لمرورك فى مدونتى
انت كمان مدونتك جميله
بس انتى كدة بتلمحى ان الرجاله كلها كدابين زى بعض
ولا تقصدى حاجه تانيه

MiraMar said...

سمسم
متشكرين يا سيدي
على الكلمتين الحلوين دوووووووووول
ربنا يكرمك
أنت كمان استثنائي جدا اوي خالص
:)))))))))))))

MiraMar said...

نانا:)))))))))))))))
وحشتيني
انتي فين بس قلقت عليكي اوي
المهم انك بخير
عارفه لو أنا فعلا مستفدتش بحاجه من البلوج ديه
كفايه اني لقيت ناس حلوه اوي بجد زيك
على فكره بقه اعملي حساب سيادتك اني ممكن تضرب في نفوخي اقضي يوم اجازه في اليكس المحروسه
ويمكن يمكن يمكن احب اشوفك
:))))))))))))))))))
انتي عندك حق على فكره في كل اللي قولتيه وخصوصا بقه موضوع اداة الاستثناء:)
سلامي للولاد

MiraMar said...

فنان جيولوجي
تشكر
هه هه هه
سلااااااااااام

MiraMar said...

رفقة عمر
منوره
طبعا مقصدش كده
موقف البنت للاسف بيحصل كتير وتجربه سيئه واحده ممكن تضيع قصادها كتير
مهم ان البني ادام يتعلم من التجارب السيئه بس الاهم انها متفضلش البعبع اللي يمنعه من خوض تجارب جديده
يارب تكوني فهمتيني

sa'7so'7te said...

هاهاهاها
موضوع جميل جدا

مع ان كلمة استثنائية دى ما تطلعش الا من كاظم الساهر
بس نعديها

بيتنا القديم said...

محدش شاف واحدة بلطجية عدت من هنا؟!
):
):
):

break said...

كالعادة متميزة
جدا جدا جدا جدا جدا
حتى لو منقول و مظبطاه
ف بجد جميلة اوى


انت كاتبة استثنائية
:)

MiraMar said...

سمسم
محدش شاف بلطجيه خااااااااااالص
أنا كمان أفتقدها
بس أكيد مش هتقدر تبعد كتير
البلطجه بتجري في دمها
وهترجع تنور الدنيا
من تاني
أنا متأكده
شووووووووور
:)

MiraMar said...

بريك
مديرة مدرسة القرع المباشر
:))))))))))))))))
وحشتيني ياأجمل بنوته استثنائيه في الدنيا
بجد
ربنا يسعدك ويحلي دنيتك
:)

حسن ارابيسك said...

حلوة المعالجة
ولكن هل
بحثتي في معنى الكلمة
فالإستثناء ليس دائما جيد
وليس دائماً ردئ
وماذا تعني لكي أنتي بالذات
وهل وجلستي مع نفسك وتحدثتي بعد أن تعرفتي على معناها
وقلتي لنفسك هل أنا فعلا انسانة إمرأة إستثنائية

MiraMar said...

حسن بيك
حمد الله على السلامه
انت فين من زمن؟
عندي احساس غامض انك متغير من مده
:)
وتعيش حاله من الانشكاح والانسجام النفسي
:)
بعد الاطلاع على حيثيات التهمه البرجوازيه المنسوبه الينا بالاستثناء
وبعد الجلوس مع ذات نفسيتي على استفراد
وبسؤالها
س:هل انتي انسانه امرأه استثنائيه؟
وفي ساعة روأااااااان وأنتخه
كانت الاجابه استثنائيه
بوضوح شمس الصبحيه

ج: انسانه فقط وفووووووووول ستوب

حكمنا نحن فتافيت السكر بعد الاستماع الى الدفاع
والشهود
ببراءة المتهمه
وأن يتكفل المدعو حسن ارابيسك
بأتعاب المحاماه وأجرة الشهود
والحكم عليه بالعوده للتدوين
لما سببه من قلق وبلبله وذبذبه في
كيان المدونه المستتب
نورت
:)

حسن ارابيسك said...

مش عارف أماراتك ايه على الانشكاح والانسجام النفسي

ثانيا
برئ يابيه مظلوم يابيه

MiraMar said...

يا أخ حسن
بجد تبدو لي متغير لأن عندي الحاسه الثامنه وهيه اني بحس بالناس عبر الاثير والشبكه الالكترونيه
وسيادتك تبدو
مش في المود
متضايق مكتئب مش عارفه
حاجه من هذا القبيل
والله أعلم
:)