توقفت على أعتاب غرفة العمليات انتظره
تذكرت كل المخاوف والمخاطر
تناسيت كوني طبيبه واني حضرت عمليات من قبل أثناء فترة التدريب
حاولت جاهده أن أضحك الجميع
وأمسح دموع هذا وأربت على كتف ذاك
انتو مالكم عاملين كده ليه؟
"ان شاء الله هتقوم بالسلامه وهتكون زي الفل"
والذعر يملأني
خلوا عندكم حسن ظن بالله
خرجت وتركتهم وانتظرت قبالة باب اخر للعمليات وسمعت صوته
الملائكي لأول مره في حياتي
يعلن وصول ذكر حي يرزق
غاضب حانق
يصرخ ويتوعد
للذين اقتحموا خلوته الملائكيه
من يعلم ربما يسبح الله ويحمده
ولكننا لا نفقهه تسبيحه
ذهبت اليهم مسرعه
تعالوا بسرعه
اسمعوا
كانت لحظه لا يمكن للبشر وصفها
فرح وخوف وحب ودموع
هوه فيه ايه؟
هوه احنا نفرح نعيط.. نزعل نعيط ..نخاف نعيط
وما زلت اتمالك نفسي
انتظرت خروجه
وما ان خرج ورأيته ولمسته
حبيبي الصغير
وكأن مسار الرؤيه تغيروانطلق شعاع من نور الى قلبي ليرسم ملامح ملائكيه وصله
أبديه
نسيت العالم بأسره بكل همومه ومشاكله
......لقد أصبحت عمه لأول مره
تناقلته الايدي
والجميع يحمد الله
ويكبره
في هذه اللحظه أجهشت بالبكاء
تذكرت أن والدته مازالت بالداخل
والجميع يحتضني
أنتي عماله من الصبح بتضحكينا
أنا بس عاوزها تقوم بالسلامه
يارب يا كريم
دعوته كثيرا
واستجاب
استقر ابن أخي في حضني أخيرا
وكنت أنا من لقنه نداء الحق في أذنه الصغيره
نعم
فرحه غامره وقد أنبت أول بذره في فطرته الاسلاميه النقيه
احساس لا يمكن وصفه
والكون يشهد مولد ابن اخر من ابناء ادم لم يمسه الشر صفحته بيضاء
بلون الثلج
احتضنت أخي ورأيته كما لم أراه من قبل
تلك النظره
وهو يتأمله
نظره أبويه
"ويقول له "أنا بابا
ونبرة صوته تحمل الأمان على جناح النسيم يخترق مسامعه بكل الحب ويطبع بصمته الأبويه الفريده
أخي
أب لأول مره......
ستوووووووووووووب ويتبع
31/10كان ميلاد ابن أخي "أحمد" يوم الاربعاء الماضي
ربنا يبارك فيه
عمتو فتافيت السكر:)
11 comments:
الف مبروك يا ...عمتو ميرا
حوشى بقى يا جميل من دلوقتى للشيكولاتة
فعلا احساس انك لامسة بايدك مخلوق صغير عمره لا يتعدى الدقائق ..احساس رائع
وصفك للموضوع ...بديع
ربنا يبارك فيه ويجعله قرة عين لأهله ويحفظه من الشيطان وينفع به الاسلام والمسلمين ويرزقكم بره
يالا عقبال مافرح فيكى الاول وتتجوزى كده و نشمت فيكى شوية ...وبعدين نفرح بيكى وانتى ماما بقى مش عمتو بس
بس صحيح مين حيغطى الحدث ساعتها؟؟
مبارك المولود وعقبال ذريتك
أم جنى
الله يبارك فكي يا جميل
أحلى احساس في الدنيا
سيادتك السبوع والمغات والشيكولا محفوظه سيادتك
احنا عندنا أعز منك
ربنا يخليكي على الدعوات الحلوه
اما بالنسبه مين هيغطي الحدث
هوه سيادتك عامله حساب سيادتك انك مش هتحضري سيادتك ولا ايه؟
:)لما ربنا يأذن
عاااااااادي يعني ممكن
CNNتغطيه موبنيل أو
:)
عصفور المدينه
ربنا يبارك فيك
الله يكرمك
:)
عمتو فتافيت السكر
لحظات جميلة انا كمان عشتها حينما انجبت اختى الوحيدة أول ابنائها حسن وسموه على اسمي حسن وكانت فرحة ما بعدها فرحة لقد اصبحت خال
ربنا يخليه ليكم ولأبوه وأمه
ونقوله حلاقاتك برجالاتك
يارب ياربنا يكبر ويبقى زينا
انا عدى عليا الموقف ده بس متوقفشالبكا غير لما زوجتى خرجت هيه كمان
مبارك عليكى اللقب عمتو
حسن ارابيسك
يا بختك يا فنان:)
أنا بقى محدش هيقولي يا خالتو
لأني معنديش اخوات بنات
بس ولو
كل صحباتي ولادهم هيقولوهالي
السبوع الخميس الجاي وعقيقه وحركات كان بودي أعزمكم كلكم بس
:)
الخروف صغنن شويه:)))))))))))
حقي اهرتل
اهلا بيك في أول مرور في مدونتنا ونتمنى
متكونش الاخيره
ربنا يخليكم لبعض :)
والله يبارك فيك
ويبارك في أبنك اوبنتك
:)
فتافيت السكر والشيكولاته..!!
والله يا فندم والله انا مقصر من ناحية مدونتك...بس انت السبب...لأنك قعدتي فترة كده مكسله وكسلتي اللي حواليك...ومنهم محسوبك
يا فندم انت صاحبة منهج وليك مريدين لا يجوز التأخر عنهم..!!
المهم
بورك في الموهوب
وشكرت الواهب
ورزق ابوه بره
وبلغ اشده
بإذن الله
(:
علي فكره وصفك جميل كالعادة
يا بخت من كانت "فتافيت" عمته..!!
ان شاء الله عقبالك
وربنا يسعدك
(:
سمسم
ربنا يسعدك انت كمان وتفرح بسهيله ويرزقك باخوات ليها
يفرحوا قلبك ويحلوا دنيتك
:)
Post a Comment