مشهد داخلي
!المكان :عش زوجيه امريكاني الشكل والمضمون
مدينه نيويورك
الزمان:11سبتمبر 2001 الساعه السادسه صباحا
تمت الترجمه عند شركه عم محمد بتاع الفول للترجمه الفوريه
جون:جود مورنينج هوني
صباح النور على البنور يا عسل" بس بالانجليزي"
"مش هتصحي بأه يا حياتي أنا حضرتلك البريك فاست"الفطور
أنا نزلت فروم ذا ستار "من النجمه"وجبتلك فول من على عربيه الفول اللي على ناصيه الشارع
"الفول اللي انتي بتحبيه ماي لايف"ياحياتي
"كريستنا:اووووووه "يانهاري
سانك يو فيري ماتش
"شكرا جدا اوي خالص"
تعبت نفسك ليه ياحبيبي
ماهوه كان في طبق فول بالهوت اويل "الزيت الحار"بايت في التلاجه من امبارح
جون :ازاي تقولي كده أنا في ديك الساعه لما احضرلك الفول بايديه
"على فكره أنا محضرلك سربرايز"مفأجه
كريستينا غمضي عنيكي
كريستينا بتفتح عنيها
اووووووووووووووه مش معقول ياحبيبي كده تو ماتش
حزمه جرجير
الدمعه تفر من عنيها
موبايل جون بيرن
تررررررم ترررررم.......تررررم تررررررم
معاه عده تعبانه بس مش وقته
جون مسك الموبايل وبيبص في النمره وكان هيجيله انفصام في السخسيه
كريستينا :مش هترد ياحبيبي
"جون: شور دير "عزيزتي
هاااااالو هااااااالو هااااااالو
"الظاهر يا حبيبتي الشبكه فالينج"واقعه
أنا هطلع فوق السطوح أرد
شووووووور ياحبيبي اتفضل
.............
المشهد التاني
خارجي "ياسبحان الله
فوق السطوح الامريكاني
جون طلع 13 دور على رجليه جري
ريتا:كل ده ياجون الكارت خلص يابني ادم
" حصل كل جووووود"خير
جون :بينهج سوري يا حياااااااااااااتي
اصل مراتي الله يحرقها كانت جنمبي
منكده عليه عيشتي
ريتا:هانت ياحبيبي
أنا طلبت من بيل الطلاق
بيل:حبيبتي انتي خلصتي المكالمه
وايت اااا منت يا جون
استنى"
ريتا :نو يا بيل اوعى تمشي يا حياتي من غير ما أقولك جود باااي
ريتا :سوري يا جون
بيل حارق دمي طول الوقت ومخنأعليه موت
المهم هشوفك النهارده
جون :شووووووووور يا حياتي
فين؟في الفيش جاردن زي كل مره
عاااااااادي يعني أكيد عندهم "جنينه الاسماك "زينا امال هيقابلوا بعض فين يعني
استغفر الله
جون:أنا النهارده هروح اخد مأموريه
وهشوفك
ريتا:اوك"خلاص خلاص"جوووووووود بااااااي يا حياااااااتي
"سي يو هوني"أشوف وشك على خير يا عسل
بعد انتهاء المكالمه جون يروح الشغل مسرعا جدا
مشهد تاني خالص غير الاتنين الاولانين
...............
مشهد داخلي
عش زوجيه امريكاني اخر من حيث الشكل والمضمون
"بيل:وات دو يو وانت يا اااااحياتي"عايزه ايه
ريتا :مش هتصدق يا حبيبي مفأجه
مفأجه تانيه غير الاولانيه أكيد مش جرجير علشان الحبكه الدراميه
بيل:وااااااااااااات؟
ريتا:نزلت امبارح الاجانسي"الوكاله"وجيبتلك كرافت وارد الخارج انما ايه "كريزي"جنان
بيل:سانك يو فيري ماتش
اي دونت نو ازاي ماي لايف "مش عارف ازاي حياتي "من غيرك
بيل اصله رخم ومثقف شويه وبيحب يتكلم انجليزي كتير حتى عم محمد اشتكى منه جدا في الترجمه
ريتا :هوني أنا عايزه2000دولار علشان اشتري شويه حاجات ليه
أكيد مش من الوكاله
بيل بيطلع خزنه صغيره من جيبه وبيدور وشه الناحيه التانيه علشان ريتا متعرفش الارقام السريه
بيل:اتفضلي يا حبيبتي
...............
مشهد جديد
داخلي
مركز التجاره العالمي
جون في مكتب المدير
بليز أنا فعلا محتاج اذن النهارده
المدير:اذوناتك تو ماتش
جون :معلش اصل النهارده هبيض الشقه وانت عارف لازم توستاند اون هاندس اوف "الصنايعيه"اقف على ايديهم
المدير:اوكيه ياجون
نظره مليانه خبث سلم على ريتا
"جون يطنش وبيقول في سره دونت ايت ماي براين "متكلش دماغي
..........
مشهد مختلف تماما
"في الاوبن اير/نهار "الهواء الطلق
جنينة الاسماك
ريتا وجون سوا
اخيرا بقينا لوحدنا
ريتا :احنا مش لوحدنا ياهوني معانا ربنا قااادر يحرق جوزي ومراتك في وان داي "يوم "واحد
جون :اد ايه انتي رومانسيه
ريتا كانت مجهزه لوازم القعده الشاعريه
جركن مايه متلجه
سبرتايه وبن وسكر
شويه قرص بالسمنه البلدي من الغيط الامريكاني جبتهملها الست اللي بتيجي تنضف الشقه
ملايه قديمه
شمع علشان النور لو اتقطع
شووووف برده بتفكرفي ايه أصل الامريكان دووول بيعملوا حساب كل حاجه
انت فكرت في ايه ؟
ازاي النور يطفي وهمه في الجنينه بالنهار
هيه فكرت انه ممكن يحصل خسوف للشمس ومتقدرش تشوف الاكل وجون يخلص القرص كلها
........
مشهد منيل بستين نيله على دماغمهم
المكان العش الاولاني
الساعه تسعه الاربع
"كريستينا بتتفرج عى التي في"التلفزيون
خبر عاااااااااااااااجل
انفجارات مدويه في مركز التجاره العالمي
"كريستينا :تضرب عل صدرها اوووووووووووووووووه "يالهوي
بس بالانجليزي
"ماي هاسبند "يابعلي
تحاااول تكلمه على الموبايل
لمده ساعتين من الشحتفه الامريكاني
"ورساله " ربما يكون الموبايل مغلقا
كانت هتجيبلها سكته دماغيه بس أمريكاني طبعا
حاولت كتير وبعدين مره واحد رن
الساعه كانت 11 صباحا
ترررم تررررم تررررم ترررم
مغيرش الرنه
جون كانسيل عليها
اتصلت تاني
تررررم تررررم
جون
هااااااالو ببرود
كريستينا
انت كويس ياجون؟
انا فاين "فودذ "سانك يو
انت فين نو"دلوءتي" ؟
"كريستنا مش وقت هزار وحياه يور فاذر"أبوكي
أنا شور في المكتب
هااااااالو هااااااالو
..............
كريستينا قفلت في وشه السكه
واتجهت مباشره الى محكمه الاحوال الشخصيه"زنانيري"علشان ترفع قضيه طلاق
وراحت قسم شرطة نيويورك والشرطه في خدمه الشعب الامريكي
واتهمته انه كان متامر في تفجير المركز
وراح الشاب ياولداه في خبر كان وأخواتها
"ان كيدهن جريت"عظيم
و مسااااااااء الفل بالامريكاني
فتافيت السكر
21 comments:
ايوة كده يا ميرا
تسلم ايدك
فرحتينا فى الاشرار
انا حاسة ان ربنا شاء بموضوع 11 سبتمبر ده مخصوص عشان يفضح صاحبنا
بس حلوة قوى قوى صياغتك للموضوع
والله انتى تكتبى سيناريوهات تجنن
ضحكتينى ...وفرحتينى فى الاخ جون
ايوة كده فوقيلنا بقى وعايزين كل يوم من ده
افرى داى يعنى
بس المرة الجاية ترجمى عند حد تانى غير عم محمد بتاع الفول عشان لقينا سوس فى الترجمة
وصباح الخير والفل عليك انت يا جميل بالامريكانى برضه
أي تريك
خدعه بالانجليزي
هههههههههههه
انت تأمر ياهوني
:)
صباح الخيرات يانانا
نورتي
ميراماااااار
أولا شاكر جداً تشريفك مدونتي
كانت لفته جميله منك
وأتمنى المرة القادمة إضافة مدونتي لقائمتك المفضلة وده شرف تاني لي
ثانياً
ايا يا ميرامار اللي إنتي كتباه ده
صدقيني أنا من أول ما قرأت البوست وأنا مسخسخ على روحي من الضحك وبصوت عالي صدقيني بقالي فترة مضحكتش بالشكل ده قراءة البوست الجميل ده خفيف الظل جه في ميعاده لإن كنت فعلاً محتاج شويه الضحك دول
لكن بصراحه واضح خفه الدم اللي عندك وواضح كمان الخيال الخصب في خلق صورة كاريكاتورية ومنطقية في نفس الوقت ففعلاً عندك مَلَكَه في الجزئية دي والإبداع فيها وأتمنى المزيد في نفس هذا الخط ونفس الإتجاه
لان كان من الممكن تقديم الموضوع لنا بكامل جديته مما يبعث على الملل لأن للإسف معظم المدونين واخدينها من زاوية جدية تكشيرية مما يبعث على الملل من كثرة تشابه المواضيع وطريقة تناولها
ففعلاً أبدعتي وأخترتي سكة جديدة وخفيفة الظل تعكس خفه دم صاحبتها
اتمنى منك زيارة هذهالمدونة لشاعر من الطيور المسافرة
واللينك موجود في مدونتي أيضا بأسم النافذة
http://mosaiiic.blogpost.com
حاولت اضحك زى حسن ارابسيك معرفتش
انا هتابع الكومنتات
لو حد قال انه ضحك يبقى المشكله فيا انا
ولو محدش قال
تبقى المشكله فحسن
بس على العموم وبجد
انا مش شايفه بوست كوميدى
بس هو جميل
تحياتى
هههههههههههههههههه
كمييييييييييييييل
انا عارفة ان عايزة تجيبي " الجن" -البندقية يعني- اند شووت مي عشان انا مش بعت ايميل تو يو ولا فون كول..بس والله ماي سكاديوال مش مظبوط ات ول وببص الاقي نفسي أت وان او كلوك باليل ومش ينفع اعمل فون كول
وحشاني كتير
واسمع صوتك في الويك اند بأذن الله
بجد زى العسل
:D دمك هانىىىىىىىىىىىىىىى جدا
تسلم ايدك
فعلاص بوسط أكثر من رائع
وفعلاً إنتي عندك استعداد كتابة سيناريوهات افلام كوميدية أو نقول مواقف كوميدية أنا فعلا ممسكتش نفس من الضحك ومعرفتش أدخن سيجارتي كويس طول ما أنا بقرأ من كتر ماضحكت السيجارة وقعت من فمي مرتين وغعلاً لما الواحد بيضحك من قلبه يبقى فعلاً العمل ناجح وحقق هدفه ياريت ياريت بوست تاني زئ ده
الله ينور عليكي
ميرااامار
انتى سهرانه دلوقتي
باين عليكي هاتكتبي تححفة جديدة
فعلا ياجماعه انا اسفه جدا للتأخير في الرد
بس كان في مشكله في الكمبيوتر
الأخ حسن ارابيسك
أنا مبسوطه طبعا انك اتبسطت من البوست
وانك ضحكت
والشرف ليه أكيد يافندم
أنا زرت اللينك وعجبني فعلا
اخجلتم تواضعنا يا أستاذ حسن
بس أنا لا اعتبر البوست وصل لمرحله الابداع كتير شويه عليه وظلم لناس كتير بتكتب أحسن مني بمراحل
اشكرك بشده وعنف
وياريت تكررها
:)
vetrinary
اولا
هههههههههههه
بجد ردك على البوست ضحكني
مع ان كان ممكن يضايق حد تاني
اختلافات ردود أفعالنا هيه اللي بتخلق شخصيه كل واحد فينا
الضحك رد فعل
زي الاحساس بالألم والحزن
مش كل البني ادمين
ردود أفعالهم زي بعض وذوقهم زي بعض
لازم نختلف والا هنكون كلنا نسخه من بعض
يعني لازم حسن يضحك وانت متضحكش وحد تاني خالص يقرف من البوست وميرضاش يرد
الهدف من البوست
اولا اني انا اتبسط
والحمد لله اتبسط لاني بلاقي متعه رهيبه في الكتابه
ثانيا ان اعرف ردود الافعال
الاضحاك مش غايه ولكن وسيله علشان اوصل الفكره
ساعات اروح فيلم سينما المفروض انه بيضحك والاقي واحد مثلا في الكرسي اللي ادامي هيموت من الضحك
لدرجه اني اضحك على ضحكه مش على الفيلم
عاااااااادي
المشكله مش فيك لو مضحكتش ولا المشكله في حسن انه ضحك
واكيد المشكله مش فيه لاني حاولت اضحكك وفشلت
ديه كلها اختلافات شخصيه
وبتعمل اكشن في الجو
بجد نورتني
واتمنى تكرار الزياره
وياريت لو تجاملني وتبتسم
المبجله أميره البلطجيه
أنتي وحشتيني يا جبانه
ويك اند امريكاني ولا مصري
طمنيني عليكي
:)
break
ربنا يخليكي
نورتي بيتك
:)
ناني
أنا مبسوطه جدا ان البوست عجبك
وسيناريوهات مره واحده واسعه اوي عليه
على العموم ميرسي
نورتي
:)
ميرمار
......
تسلم اديكي
زي العسل
وبيني وبينك يستاهل قطع رقبتوه
تحياتي
ويجعلوعااااااااااااااااااااااامر
الاخ سمسم
الله يكرم اصلك
ده بس من ذوقك
بس اتأخرت ليه
المواصلات بردو
حصل خير
نورت
ويجعلوا عامر بيك
حلو جدااااااااااااااااااااااااااااااااااااااااااااااااااااا..............لللصبح
محمد شبل
حقيقة من أفضل ما قرأت مؤخراً في الأدب الساخر
أنتي موهوبة بحق
إستمري
يا أهلا يا أهلا بالصحافه
الاستاذ محمد شبل
اشكرك بشده وعنف
:)
فين بوستاتك يا استاذ؟؟؟؟
صاحب االبوابه مجرد حضورك شهاده اعتز بيها
وكمان سيبت كومنت
وعجبك البوست
أنا مش مصدقه
أنا بجد مبسوطه جدا لتشريفك مدونتي المتواضعه جدا ويارب دايما نشوفك
اشكرك
:)
وتحياتي
Post a Comment