قرأت لك
:يتميز الأطفال بسبع خصال
اولها.انهم لايغتنمون الرزق
ثانيها..أنهم اذا مرضوا لم يضجروا من قضاء الله
ثالثها... أن الحقد لا يجد سبيلا في قلوبهم
رابعها.... أنهم يسارعون للصلح
خامسها .....أنهم يأكلون مجتمعين
سادسها......أنهم يخافون لادنى تخويف
سابعها.......أن عيونهم تدمع
أنا شايفه والشوف مش نظر الشوف وجهة نظر
انهم مش سبعه بس
دوووووووول كتير
كل خصله فتفوته سكر
علشان لما يتجمعوا يعملوا أكبر وأحلى قطعه سكر ممكن تشوفها في حياتك
"طفل"
في ناس بتكبر والسكر يدوب ويمكن يختفي
وفي ناس بتحتفظ بفتافيت السكر جواها
الناس ديه اللي بيهم دنيتنا أحلى
دور على فتافيت السكر جواك
البراءه والنقاء و الحب من غير حدود والعطاء بدون مقابل
يمكن
تكون منهم
من الناس ديه
هدعيلكوا دعوه أمي بتدعيهالي دايما
ربنا يحلي دنيتكو
كل جمعه وانتو طيبين
ملحوظه:تقدر تتخيل وتطلق العنان لخيالك على الاخروشوف كده لسه جواك فتافيت سكر وتعلق على الصوره اللي في البوست
تحياتي
8 comments:
قفشتك يا ميرا
بتكتبى بوست بدل ما تذاكرى لامتحان بكرة
بس فكرة دعابة الجمعة دى.....فكرة حلوة قووووووى
و سؤالك بقى...صعب قوى
متهيألى انا عندى اولادى 3 قطع سكر لسه صؤننين
باحاول احافظ عليهم من الدوبان
ربنا معاكى
سلام يا قمر
بصراحة من كتر الفراغ اللى احنا فيه فعلا ما قدمناش غير اننا ندور على فتفوتة السكر اللى جوانا...على الاقل هى فتفوته وحتاخد وقت كتييير عقبال ما نلاقيها اهه برده غقبال ما يجيلنا التكليف تكون الفتفوتة اتلاقت
بس انتى نسيتى تقولى حاجة..؟ هى افتفوته ده... فتفوتة سكر ابيض ولا سكر بنى ولا سكر كاندريل؟؟(اكيد فاهمانى)
بس على شان ما نتوهش واحنا بندور عليها
وممكن اخر طلب بما ان طنط مامتك بتدعيلك ممكن تطلبى منها انها تدعى لدكتور/سيد والسادة اعضاء الهيئات المسئولين عن تكليفنا لمجهودهم البارع
وطنط ياريت تدعيلنا ان ربنا يسهل تكليفنا ان شاء الله
واحلى سلام لاحلى صاحبة انتيخ :)
اجمل شيء في الحياااة ... ضحكة طفل بعد عيونه ما تتملى دمووووع
وجهة نظر جميلة على فكرة
تحيااااتي
نانا
وحشتيني
بجد
أنا امتحنت وعملت كويس الى حد ما
:)
يعني عكيت شويه
بس معلش
الحمد لله
ربنا يخليكي
ويسعد قلبك باولادك
صاحبتي الانتيخ
الطبيعي يكسب
سكر الجمعيه طبعا
وبخصوص الدعوات متقلقيش
:)
نورتي
sakayr
عندك حق أحلى احساس في الدنيا لما تشوف طفل بيضحك
وياسلام لو كانت بعد وصله زن استمرت لمده نصف ساعه
وياسلام لو بعد ما يضحك ينام
:)
نورتني
ليه الواحد مبيفضلش طفل؟
عشان الاوقات الحلوه لا تدوم
تعرفي ان احسن حاجه العلاقات البسيطه بتاعت الاطفال
يعني كل ما الواحد يتوغل في عالم الكبار .. كل ما يسأل نفسه .. ليه الحاجات بتكلكع كده كل ما نكبر ؟
فين البساطه بتاعه زمان ؟
MeshMesh
بجد أنا بفتقد اوي اني اكون طفله
أحلى احساس
انك تعيش ومش شايل هم
من غير مسؤليات
بتضحك من قلبك مش مجامله لحد
:)
المشكله وانا صغيره كان اكبر حلم في حياتي
اني اكبر
وكبرت
أكبر حلم دلوءتي أكيد هتعرفه لوحدك
البساطه
كنز لا يفنى:)
قول الزمان ارجع يازمان
نورت يا مشمش
واتمنى انك تكررها
:)
Post a Comment