السلام عليكم
النهارده الجمعه
كل جمعه وانتو طيبين
جبتلكوا النهارده الدعابه من
الصين الشعبيه علشان كده أتأخرت شويه
سامحوني
شين شاب" مطأطأ"ومطأطأ في عرف الصينين يعني مقطع السمكه وديلها
يعني مفيش بنت في حواريكي ياصين الا وعاكسها
شين "صيني "من بلده يعني متأصل أبا عن جد
بس ايه متفتكرش يعني علشان" صيني"حاجه تكسره
لااااااا انسى بقولك صيني صينييييييي
يعني ياما دقت على الراس طبول وخصوصا بعد ما عاكس
بنت اكبر طبال في فرقه الصين الشعبيه وقتها طبول الصين كلها دقت فوق نفوخه بس على مين
رجعت ريمه لعادتها القديمه
الست أم شين
صحيت الصبح عاااااادي يعني زي كل يوم شايله طاجن ستها
نفسها ومنى عينها تغمض عينها وتفتحها وتلاقي شين جنب عروسته في الكوشه
وتفرح بولاده قبل ما تموت
شين في البلكونه كالعاده بيعاكس البت "لي "بنت الجيران
بنت انما ايه مفيش بعد كده
جمال ايه وأدب ايه
بس
البت مش بتعبره خاااااالص
مدياله وش خشب صيني انما ايه
دوخته السبع دوخات وطيرت النوم من عينه
ساعتها بس
افتكر المثل الصيني العظيم
"الصباع اللي يوجعك اقطعه"
وقرر في ذات نفسيته يقطع عرق ويسيح دم
ولما حس ان الدنيا هتغرق دم
قرر ينتحر ويتجوز احسن
والعمر واحد والرب واحد
دخل على الست ام شين
وجدتها وجدتها
أمه:هيه ايه ياواد اللي لقيتها
هوه :لقيت العروسه
امه:ياألف نهار أبيض يا ستميت نهار مبروك وتديها اجدعها زغروطه صيني
ومن هيه ديه اللي امها دعت عليها؟
هوه:"لي" ياماما
امه:بنت الجيران هوه انت لحقت تعرفها دوووول مبقالهمش شهر في الحته
هوه:هيه ديه فتاه احلامي ديه قطه مغمضه
أنا درست أخلاقها كويس ومشيت وراها وأتأكدت انها بنت زي فل
اومال ....أنا بعون الله ميضحكش عليه
خلاص خلاص
انا هكلم الست ام لي واتفق معاها نروحلهم يوم الخميس
يوم الخميس
وموسيقى ياولاد بلدنا"الصينين"يوم الخميس هكتب كتابي وابأه عريس
في ودان شين من صباحيه ربنا
شين راح للحلاق ومنجه نفسه ولبس الحته الزفره و"الزفره" في قاموس الصينين يعني الهدوم اللي على الحبل
صناعه صينيه طبعا
المهم
شين والست والدته راحوا واخدوا معاهم جوزين بط بكيني انما ايه من منازلهم
الناس بصراحه كانوا ذوق ورحبوا أيما ترحيب
الست ام شين
فتحت الموضوع
انا بصراحه معنديش غير شين
ونفسي افرح بيه
وجايين نخطب بنتكو" لي "لابني البشمهندس شين
رأيك ايه ياأبو لي
فتره من الصمت الرهيب والاسبهلال
أم "لي" وابوها بصوا لبعض وتنحوا لمده 45دقيقه
استدركت أم شين الموقف
احنا سألنا عليها وقالوا انها مش مخطوبه
ولمواخذه في السؤال لو حد قايل عليها
خلاص انسوا ان احنا جينا واحنا نفرح لفرحكوا وشين يوزع الشربات بنفسه في الحته
اومال الجيران لبعضيها
الست أم لي :لأ "لي" مش مخطوبه ولا حد متكلم عليها
الحكايه بس انها بنتنا الوحيده واتاخدنا شويه
اتفاجأنا مش أكتر
طيب على خيرت الله
نخش في التفاصيل
ابني جاهز من كله وهيخدها بشنطه هدومها
وعنده شقه في اسكان الشباب شرحه وبرحه وريحها حلو
شاورو بعض ياحبيبتي واسألوا العروسه ضروري اومال
كله بالخناق الا الجواز بالاتفاق
الحقيقه الست أم شين مدتش فرصه لأي حد يتكلم وعملت الواجب وزياده
أما شين فكان الحمل الوديع اللي بيوزع ابتسامات على مستوى القعده
بعد اسبوع
كان الرد بالموافقه
وياريت لو نخلص بسرعه علشان أبو لي طبعه صعب ومبيحبش ان بنته تخرج وتدخل مع خطيبها
يعني الخطوبه والفرح في يوم واحد بعد اسبوع
شين كان طاير من الفرحه
والدنيا مش سيعاه
الفرح
زينه وأنوار
وأكبر قاعه في مركز شباب بكين
وكوشه ستان وورد
وحاجه كده تملى العين
وعقبال عندكم جميعا
ونجاملكم في الافراح
شهر العسل
شين ولي في منتهى السعاده
جوزين عصافير
بس
كان فيه حاجه واحده بس
"الصوره"
صوره" شاب "غريب في برواز شيك جدا في اوضه النوم جنب السرير
شين:صورة مين ديه ياحبيبتي؟
لي:هههههههههه
هقولك بعد شهر العسل يا حبيبي
انت مش واثق فيه ولا ايه؟
شين:لأطبعا يا حبيبتي واثق فيكي طبعا
بعد شهر العسل
شين بيبص للصوره
لي
لازم تقوليلي دلوءتي
صوره مين ديه؟
مصمم تعرف ياحبيبي
شين:اااااااااه
لي:ديه صورتي قبل العمليه
شين :اااااااااااااااااااااااااااااااااااااه
شعره وقف من الخضه
ومقدرش شين يستحمل الصدمه
ودخل مصحه نفسيه وعلى لسانه كلمتين وبس "مراتي راجل "بالصيني طبعا
لي" استولت على الشقه واتجوزت"كونج"ده كان بنت زي القمرقبل العمليه وفي نفس ذات الوقت كانت صاحبت لي "الرجل"قبل العمليه بردو
وعاشوا في تبات ونبات
وهيه ديه اخرت العمليات
هههههههههههههه
فتافيت السكر
27 comments:
ههههههههههههههههههههههه
ناس طيبين اوى الصينين دول
اسلوبك فى القصة كوميديى جدااا ربنا يكرمك
قريتها من الاول للاخر
مش عارف اسلوبك حلو اوي في القصة ليه ومش لافي اسمك خالص في افيشات افلام الصيف دا
شدي حيلك العيد قرب عايزين اسمك في قصة اي فيلم جاي
:):):):):):)
محمد شبل
هو شينج هونج مياهولينج هيه
ده يعنى تجننى يا ميرا.... بس بالصينى
بتوحشيناوالله من الجمعة للجمعة
وعلى رأى الست ام شونج هى
ربنا يا بنتى ما يقطعلك عادة
ويخلى الجمعة بدعابتك كلها سعادة
يا ميرا يا بنت حوا وادم
يا فتافيت سكر زيادة
الاستاذ غزالي
هههههههههههههههه
فعلا ناس طيبين اوي اوي اوي
:)اخجلتم تواضعنا
نورت
تحياتي
ومن الشباك يطل علينا الاستاذ الصحفي محمد شبل
:)
ياهلا بالصحافه
فكرتني بالمثل الصيني "سبع صنايع والبخت ضايع":)بس انتظرونا قريبا في الاسواق
مفأجة الموسم وكل موسم
فتافيت السكر هانم 2
:)
نورت ونحب نشوف كومنتات سيادتك بتنور
تحياتي
نانا
لينج فينج سونج بينج بونج
يعني "بتنوري حياتي" بس بالصيني
:)
يانج سانج فانج
يعني"بتوحشيني "بس المره ديه بالياباني
:):):):)
يعني"بضحك"بكل اللغات
:) :) :) :)
begad mawwetene mn elde7k
wallahi el3amaleyyat de ba2et el7all lekol 7aga
bokra lamma wa7ed ma7zoz yela2e elfanos we yefroko hatetla3lo 3anawen 3eyadat eltagmel
yalla matawwelsh 3aleke ba2a we 2shofek f bost gded
sa'7 so'7te
:):):)
ازيك يا قمر
نورتي البلوج
عندك حق طبعا عمليات التجميل كترت وملت البلد والبلاد المجاوره "لبنان الشقيق"قصدي
المصيبه عمليات التحويل ياسلام لو طلع واحد بني ادم وزهق من نفسه وحول نفسه كائن فضائي مثلا
مين عاااااااااارف
:)
سكر يا خواتيييييييي
أيه دا
ازاى تدخلى سخسوختى هنا قبلى
تانى مرة اقفلى الباب فوشها لحد ما اجى انا الاول
اوبرا كانت عاملة حلقة عن العمليات دى وجايبة الناس اللى اتحولت
بس بجد بجد انتى دمك خفيف اوى وعندك موهبة يجد
ربنا يكرمك
تحياتى :)
رغم أنها مستوحاة من ديالوج مصور وموجود على النت
لكن مازالت خفة الدم في أعمالك لها طعم مختلف لكن أنا مش عارف انتي مصرتي الموضوع
ولا صينتي الموضوع
عزيزتى
الاخ شين ده مؤدب خالص باين عليه
اصل دلوقتى الواحد قبل ما بيتجوز
بيسال ويتقس وفى الاخر بياخد على قفاه برضوا
سلااااااااااااااام
ههههههههههههههههه
جامده قوي
تسلم ايدك يا حاجة ام شين
بوست جامد
الى الامام دائما
لكي تقديري
جامدة جداااااااااااااااااااا
اول مرة اقرا حاجة كدة......ساخرة و ضاحكة وفى نفس الوقت لذيذة
هحاول اقرا بقية المدونة
والسلام
هههههههههههههههههه
لا بس لى لعبتها صح
خدت الشقه واتجوزت الى كان بيحبها
وهو درس جامد لشين المطأطأ:D
يا نهار مش فايت من تحت بتنا
اللهم لك الحمد علي العافية
الشر بره وبعيد
تحياتي
أنا اسفه جدا للتأخير على ردود جميع البشر الموجودين بس بجد كان في شغل جديد وحركات
الواد بتاع DSL
كل اخر شهر بيقطع النت عن الجميع علشان يلم الغله ونحتاس احنا
بس ربنا يسامحه:)
NEW kid in town
عرفتك من الوهله الاولى
هههههههههههه
ولو اني كنت زعلانه بس خلاص خلاص
ولسه وحشاني بردو
:)
break
استنتك كتير وانتي اتأخرتي وصديقتك الصدوق سبقتك وعملت فيكي مقلب حراميه وجت قبلك
أنا مش قصدي حاجه أنا بس بهدي النفوس
ربنا يخليكو لبعض واشفكو انتو الاتنين منورين البلوج بتاعتي
مبسوطه ان البوست عجبك
:)
ارابيسك
انت فين مين زمان
:)
الموضوع كان فعلا مستوحى من ديالوج وده واضح في الصوره
أنا مش مصرته ولا صينته
أنا "حبشته"ههههههه
نورت ومتتأخرش علينا تاني
نورت جداجدا
:)
Hosam
عاااااااااااادي كلنا هذا الرجل
هههههههههه
نورت في أول ظهور
ويارب دايما
:)
the riddle
الله يكرم اصلك
كلك حركات قصدي كلك ذوق
:)
نورت
islamist bloke
عجبتك
احمدك ياااااااارب
نورت
ويارب نشوفك دايما
loza
تنضم الى المجموعه اهوه كده
نورتي ياجميله
شفتي لي
طلعت بنت انما ايه
سيبك انتي وقفة البنت بميت راجل
:)
سمسم
هههههههههه
اللهم لك الحمد
افوتك بالعافيه
ربنا يدمها علينا وعليك
:)
ويجعلوااااااااابوجودك عااااامر
فتافيت السكر
فعلاً انت حبشتي الموضوع جامد قوي البهارات بهدلتنا وإحنا بنقرأ البوست
عشان كده ماتنسيناش في الحوواشي
على فكرة
انتي سالتيني في مدونتي عن الجديد
وأنا ياستي متأخرتش
وتقدري تطلي تاني على مدونتي وتشوفي الجديد ويارب يعجبك وتطلع التحبيشة على مزاجك
شكرا لكي جزيل الشكر على سؤالك
ههههههههههههههههههههههه
بوست جميل جداااااااااااااااااا
بجد رائع
Post a Comment