Monday, May 19, 2008

أحلام فانتازيا


الأمومه

أحلامي مشروعه

مرئيه ومسموعه

بحلم

حلم فسيولوجي جدا

بحلم

"ب "كلمه

واحساس


"احلم معايا".....................

كائن حي صغير الحجم ملامحه تشبه أبوه بشكل مستفز

راكب على ضهري

ومتعلق في رقبتي

وصبباع صغير بيحاول يشق طريقه الى فتحة مناخيري بعد ما درس تضاريس وشي من الناحية التشريحيه بعنايه

للمرة الواحد وعشرين بعد المئه


ماما

مااااما

ماااااااااما

ماااااااااااااااما

ماااااااااااااااااااااااما


ايه

في ايه

كله ماما ماما ماما

مفيش بابا خالص


شوف يا بني

شايف الراجل المحترم المثقف اللي متبني الجرنال هناك

ده اسمه بابا


رووووووح قوله

اتبناني


ماشي يا حبيبي


راح ورجع في أقل من ثانيه

ماااااااااااما

مااااااااااااااما

ماااااااااااااااااما


نعم

وسرينه من العياططططططططططططططططط

شبه عليه صوت عربية الاسعاف


مالك ياحبيبي بس

خلاص طيب واخدته في حضني


بابا مش عايز يتبناني يا ماما

مقدرتش امسك نفسي من الضحك

ونويت لابوه عل نيه سودا

وياريت الموضوع خلص لحد كده

الواد ماصدق وهاتك يا أسئله من ماركة

يعني ايه تبني ؟

وانتي خلفتيني ازاي وليه وفين ومنين؟

ليه طنط منى اتجوزت ؟

والنجوم ليه مش بتقع؟

والقمر ليه بيجي بالليل بس؟

هوه البحر كبير اوي؟

والخ الخ الخ..............الخ

وبعد مناقشه طويله

دماغي ورمت وتعبت


باسني بوسه كبيره جدا

وقالي أنا بحبك اوي يا ماما

:حضنته وقلت له

وأنا كمان

بحبك اوي

اد النجوم اللي مش بتقع

والقمر اللي بينور بالليل بس

و البحر الكبير اوي


الى اللقاء في أحلام اخرى

وتصبحوا على خير

فتافيت السكر:)







12 comments:

.:.-=- ELGaZaLy-=-.:. said...

حلامي مشروعه
مرئيه ومسموعه
بحلم
حلم فسيولوجي جدا
بحلم
"ب "كلمه
واحساس
"احلم معايا".....................
------------------------------------

البوست حلو اوى ...عارفة اية ضحكنى اوى انى افتكرت الفيلم بتاع ماما ما بليز هلب مى ماما ...فاكرها..


سكر اه راجع ادون وكتبت قصة قصيرة تانية ...واختبرات نفسيبة وكدة...عادى بقى

عصفور المدينة said...

:)
ربنا يبارك
ويعينك على حسن تربيته

عاشــــــ النقاب ـقــــة"نونو" said...

السلام عليكم
ضحكتيني موت
اللي بيعملوا العكروت دة فيكي بيتعمل فيا برضه
بس باباهم ياريته قاعد وبيتبنى الجرنال بسلامته بيشرف من الشغل على الساعة 6 في ايام الرفاهية ويعني 9 وانتي طالعة في ايام السهر
ربنا يعينك ويعيني وكل الامهات على تربية اولادهم تربية صالحة
اول زيارة وشكلي كدة هتاابع
تحياتي

MiraMar said...

:))))))))))))))))))))))))))))))))))
تلاته بالله العظيم الواد ده مش ابني ومعرفوش
:)))))))))))
حتى الراجل اللي بيقرا الجرنال أول مره أشوفه في البوست
يا جماعه البوست ده حلم خيالي جدا
يعني مش حقيقه
يعني أنا مش أم
أنا لسه متجوزتش أصلا
:)))))))))))
البوست ده واللي قبليه اجابه على تاااااااااج حبيبتي جنى الله يسامحها:)))))))))
أنا قلتلكم انا مليش في التاجات
يا جماعه ديه اوشاعه مغرضه
اللهم بلغت اللهم فاشهد
:)

MiraMar said...

الغزالي
هستقطع وقت النهارده واستمتع بقصتك القصيره
:)
واشوف ايه حكاية الاختبارات النفسيه ديه
سلام مؤقت:)

MiraMar said...

أستاذ عصفور
يا مرحبا يا مرحبا
احلى حاجه في حلم اليقظه انك تصدقه
وتعيشه
وتحبه

أنا بحب الحلم ده جدا
دعواتك بالزوج الصالح والذريه الصالحه
:)
نورت وياريت متحرمناش من وجود حضرتك ربنا يبارك فيك
سلام عليكم

MiraMar said...

nonoymm
:)))))))))))))))))))
انتي جميله اوي بجد
أقولك انا حاجه
انتي ضحكتيني أكتر
البوست ده حلم خيالي
أنا مش أم
بس بعيش الأمومه بالفطره
ربنا يعينك ويعين كل الامهات
متشكره جدا على تشريفك
بجد نورتي
وياريت أشوفك على طوووووووووول
:)

بيتنا القديم said...

احلامك والله مشروعة

ربنا يوفقك

(:

Jana said...

ههههههههههههه
وانا مالى طيب ... ياستى ربنا يسامحنا كلنا
بس انا قلتلك الولد مستلفينه نص ساعة من أم زياد .عشان نفصل البوست عليه ونرجعه تانى ...انتى اللى عجبك واعدتى تلاعبيه لحد ما وأوأته لمت عليكى الناس
يالا بالشفا ...اللى جابلك يخليلك هههههههههههههه

وبعدين اللى جاى على جمل هناك ده واتأخر عشان الزيت اللى اتقلب فى السكة ..لو سمع وأوأة زياد ابن ام زياد ..حيرجع تانى يدور على باكينام المرة دى
ارمى الواد ده يالا
او رجعيه لأمه
وهاتى النظارة المعظمة وبخمسين جنيه لب اسمر .وتعالى نراقب الجمل من بعيد عشان شفت شابينام مترصدة له فى البلكونة

MiraMar said...

أستاذ أسامه
يااااااااااااااااااااااه
نورت بلوجنا والبلوج اللي جنبنا :)
ربنا يكرمك
والله أكتر حاجه وحشتني في التدوين العلاقات الانسانيه الجميله
مع ناس بحترمها وأقدرها جدا
بجد نورت
ربنا يسعدك
امين
:)

MiraMar said...

جنى
:)
بس سيبك انتي حلم حلو اوي
صحيح هوه الواد شبه أبوه بس طالع دمه زي العسل زي ماماته
:)))))))))))))))
نتيجتي قربت
ادعيلي

بخصوص باكينجهام
علم وشكرا
مش ناويه تيجبها لبر
هيه اللي جابته لنفسها وأعلنت الحرب

هجووووووووووووووووووووووووووم
:))))

السيارات said...

تسلم الايادي