Thursday, January 10, 2008

ملعون صوت السكات



"الصوت العالي دليل على ضعف الشخصيه"


قول مأثور عن الحكومه


فتحت عيني لأجده مطبوع على الغلاف الخارجي لكتب الوزاره في كافة مراحل التعليم الأساسي


ومن شب على شئ شاب عليه تركت العنان لخيالي


:وتفتق ذهني عن الاتي


....... فرمان رقم 10988 عن الوالي


صدر عندما مر الوالي ليتفقد حال الرعيه الفلاحين وسمع صوت همس فلاح فأمر بشنقه وأقام مذبحة القلعه وقال كلمته الشهيره


الصوت العالي دليل على ضعف الشخصيه أدب يك خرتيت" ونظر نظره سخريه للفلاحين"


وأصدر فرمان بكتابة تلك المقوله الأثريه على كافة كتب الوزاره








أو ربما كان أمر وزاري في حكومة.....باشا رحمه الله


عندما كان متواطأ مع اخوانا في بريطانيا العظمى وصدر عن مجموعه من الرعاع الوطنين أصوات شجب


واستنكار فأمر بفتح المندل وعرف اسمائهم و عنواينهم قام باعدامهم جميعا في ميدان عام


بتهمة الصوت العالي والتواطؤ ضد مصلحة البلد


وقلع طربوش سيادته ومسك جزمته في ايده وقال كلمته المشهوره


"الصوت العالي دليل على ضعف الشخصيه يا كلاب"


التي أمر بكتابتها على كتب الوزاره حتى يتذكره الكلاب بكل الخير






أو ربما كانت كلمة السيد صلاح نصر


الاخيره قبل أن يذهب الى مثواه الاخير




حتى لا ينساه رواد المعتقل الصحي






أويمكن كلمة اسلام نبيه للسجين بعد أن أمر بهتك عرضه


أو أو أو












قرار بالغاء الدعم






قرار بخصخصة مستشفيات التأمين






قرار باغتيال الفقراء








اسمحولي هصوت بس بصوت واطي


حفاظا على قوة شخصيتي


لكني وجدت ان حتى حق التصويت أصبح مقصور على مشاهدي برنامج ستار أكاديمي


وأصبح وأمسى


الصوت الوحيد المسموح والمسموع عزيزي المواطن هو


صوت السكااااااااااات






21 comments:

عصفور المدينة said...

وبرضه صوت الألم مسموح به بس الراحة من غير إزعاج للناس اللي نايمة

MiraMar said...

عصفور المدينه
كل سنه هجريه وأنت طيب
عندك حق
منتهى الديموقراطيه

Jana said...

كما هو مسموح بالشجب والاعتراض فى سرك
او اذا فاض بيك قوى يعنى
عليك وعلى الاتجاه المعاكس فى قناة الجزيرة
كله بيصرخ فى بعضه وماحدش سامع حاجة
مش مهم
المهم لقيت حتة تعلى فيها صوتك براحتك

كل سنة وانتى طيبة يارب
وبخيييير

MiraMar said...

صديقتي وحبيبتي في الله أم جنى
كل سنه هجريه وانتي بخير واولادك طيبن
دعواتك نفوق من الغيبوبه
لحسن طولت
نورتي يا جميله

حسن ارابيسك said...

طب بس..بس ..بس
طب..هُس..هُس..هُس

بيتنا القديم said...

علي فكرة كنت من مؤيدي السكات بعد احداث معينة ولكني عدت الي نفسي وقلت ان هي الا روح واحدة الله خالقها وقابضها وليس من احد عليها سلطان غير الله..لذا سأتكلم وفي الممنوع حتي اشعر اني انتزع كرامتي منهم..وحتي اجبرهم علي احترامي حتي حين جلدي وصعقي بالكهرباء..!!
(:
دمت بخير

lonely said...

ممكن نعترض بتحضر موش بصوت عالى زى اللى بنشوفه فى البرامج الحواريه بين العرب
بحيث اننا نخرج فى الاخر ب ولا جمله مفيده
بس السكوت موش هيولد غير انفجار

MiraMar said...

حسن أرابيسك
كل سنه وحضرتك طيب
أنا هسكت
ولفتره طويله غالبا
لأن عندي امتحانات الماجستير
دعوات سيادتك يا فندم بالتوفيق
:))))))))

MiraMar said...

أخويا أسامه
أكيد أنت عارفني مليش في حاجه وماشيه جنب الحيط زي معظم الشعب المصري وبنقول يا حيطه دارينا
ناكل ونشرب ونشقى وننام ونعبد ربنا في هدوء
ولكن
هطأ
خلاص
بشوف ناس مطحونه
بتنحت في الصخر عشان تاكل بس
وياريتها بتاكل
انما بتغمز اللقمه بالذل وتبلع
بالمهانه
لما تكون أرخص
ازازة الزيت بسبعه جنيه
منزعلش لما تتسرق الجزم من على باب الجامع
ده أقل واجب

MiraMar said...

lonely
مش بقصد الصوت العالي يعني وصله الردح المبتذله في بعض القنوات
اللي قصدي أقوله
انهم المفروض يكتبوا على الغلاف الخارجي لكتب الوزاره
"أنت رأسي يا صوت"

بمنتهى الحضاره
بس
نورتي

:)

حسن ارابيسك said...

هو ده المهم تركزي فيه وبعد كده طيحي زي ما أنتي عايزه محدش هايقولك حاجه لكن الماجستير ألف واحد هايقولك حاجه وحاجه
ربنا يوفقك واحنا نيجيى على نفسنا شويه مش مشكلة ونستحمل غيابك عننا في سبيل اننا نقولك مبروك

no say said...

http://fnangeology.blogspot.com/
عندك حق والله
ولا بنخاف ولا بنطاطى احنا كرهنا الصوت الواطى

break said...

هسسسسسسسس
نتكلم من غير صوت بئا

عندما ترهقنى الحياة said...

هو ملعون طبعا...بس ناوية تغيرى؟.

mazlomen said...

يعني شعار الحكومة دلوقت
سمعنا سكاتك

احمد عمر الناصري said...

MiraMar

لقد مضى وقت طويل

اليس كذلك؟

لكن ما احلى الرجوع

فعلااصبحت افواهنا مكممة واصواتنا

مؤممة

لكن دوام الحال من المحال

امين سر said...

أنتِ
نعم اعنيكِ انتِ
لماذا لم تأتِ بعد .. ؟
هذا طريق لا يعرفه الساسة
و لا الحكام
و لا الاصدقاء و لا الاعداء
هذا طريق لا يعرفه أحد
ولا يعرف أحد
طريق لم تعرفه أقدام المارّة ،
ولم تدنّسه من قبل عجلات سيارة فارهة تملأ خزان وقودها من عرقي ، وعرق الأغبياء
الذين يقفون في طابور طويل
يريدون خبزاً قبل أن ترتفع أسعار القمح
تعالي .. لماذا انتِ مرتبكة ؟
و لماذا ارتضيتِ ان تتدثرين في حزن مغشوش ؟
دع العالم يسمع صوتك
و إن لم يفعل .. !
فتأكدي انني انتظرك لتشتركين معنا في اسرار اون لاين
على الرابط ادناه
حتى اسمعك
http://asraronline.com/vb/register.php?referrerid=2

بيتنا القديم said...

يا نهار مخطط

هو مش فيه موديريشن عندك

روحنا في داهية يا رمضاااااااان

(:

ست البيت said...

ملعون أكتر صمت الأفعال
ألا نفعل شيئا
نحن نريد غد أفضل فماذا نحن فاعلون
لقد عقد الحكومات النية على العيش في صمم
يعني صرخ ما فيش حد حيسمعك
وبصوا كويس في عيادات الوحدة الصحية لما بيكتفوا العيانين عشان يخلعوا ضرسهم من غير بنج

يصرخ المريض
ومع ذلك لم يسمع وزير الصحة الصرخة
أصرخوا جميعا
يمكن أن تسمع من ناديت لو كان حيا
فما بالك ولا حياة لمن تنادي
فقد فقد السمع والبصر وقوة الأفعال
عاوزين نتغير ونغير؟
يبقى فلنعمل في صمت
وده ابلغ كتير من الجعجعة ع الفاضي
يعني لما يعملولنا أزمة عيش
يتبرع واحد ربنا فاتح عليه ويعمل مشروع في السر
فرن فوق السطوح
وكام كيلو دقيق ويكفي الشارع بتاعه
يبقى أحنا كده عملنا في صمت
ولما حد يحاول يلفق لنا قضية أشغال سطوح
نحطة على السطوح ونطوح فيه ضرب لما يبان له قرايب مهمين
تحياتي للصوت الواطي

.:.-=- ELGaZaLy-=-.:. said...

احنا امة لا بتعرف تتعرض ولا بتعرف تسكت...

ولا صوت المها حتى بيتسمع ربنا يرحمنا برحمتة

MiraMar said...

أشكر جميع البشر اللي علقوا على البوست بحماسه
أثناء فترة غيابي الطويله
وذلك لظروف امتحاناتي للماجستير
اشكرهم بجد لتفاعلهم
no say
break
عندما ترهقني الحياه
mazlomen
أحمد عمر الناصري
أمين سر
سمسم
ست البيت
بجد جزاكم الله خير

:)