Monday, July 9, 2007

ثورة الرجال


استوقفني مقال في مدونه لأحد "الرجال المعاصرين"في مكان ما

ولمحت بين خلجات نفس الرجل "كاتب المقال"الكثير من الاهات المدفونه في قبور الصمت

والتي تفنجرت في وجهي لتعبر عن نفسها بين السطوروخرجت آآآآآآآآآآآآآه مكتومه قتلها اليأس وحمل نعشها القهر وتلقى المجتمع النسوي الظالم العزاء بابتسامه صفراء

ليعلنها ثائرا "أين حق.........."متقطعه

وبصوت خافت رخيم أكملها "أين حق الرجال"أدركت

انها "ثورة الرجال "وان الثائرون قادمون


رصدت عدسه فتافيت السكر مشاهد تبدو للوهله الولى

خياليه ولكنها واقعيه جدا

ساخره ولكنها حزينه فعلا

كاذبه ولكنها في منتهى الصدق


مشاهد تعبر عن رؤيه في عقل الشاعر

رؤيه شرعيه للحقوق المغتصبه الذي ينادي بها الثائرون

جميع المشاهد مستوحاه من نبض الواقع أي تشابه في الاحداث أوالاشخاص

الجرم يقع على خيال القارئ الذي سولت له نفسه بالاستمرار في القراءه


المشهد الأول

صرخات وعويل تهز جدران البيت والبيوت المجاوره في نجع من النجوع في مكان ما على أرض الله

الدايه "أبو السعد"سبعين سنه :ساعد وليدك ياعبد الجبار

هانت ياوليدي

الصرخات ليست من الم بقدر ماهي من الخوف والرعب من أن يأتي "ذكر اخر "ولكن هذه المره "ست أبوها"توعدت مسبقا أن تخلع عبد الجبار وتتزوج باخر يقدر يجيب البنيه و تكون امتداد لها على الارض

كل ما اراده عبد الستار مثله مثل رجال كثيرون في النجع الستر والصحه

ورددوا في أنفسهم

وقفة الرادل بميت ست لكن اذا جت الست يغور الرادل

كانت كلمات طبيبه الوحده " ان الرادل هو المسئول عن جنس الجنين" بمثابه

السوط الذي تجلد به نساء النجع ردالتها


مرت اوقات عصيبه ودقيقه الانتظار تعادل سنوات من القهر

وجاء ت صرخة المولود لتخترق حاجز الصمت الرهيب وتبدد الامال

وتعلن عن ميلاد ذكر اخر

حمل عبد الجبار وليده والحزن يسكن قلبه ليعود الى بيت اسرته حاملا لقب"مخلوع"وهموم 3 أولاد و طفل رضيع

ومع الوقت تقبل الوضع ولكنه ذاق الويلات وعانى الكثير واللقب يطارده وعيون النساء لا ترحم وتمتمة الرجال ومصمصه الشفاه سمه تثير الشفقه والحزن

انتهت قصه عبد الجبار ولكن لم تنتهي معاناته

من حق عبد الجبار أن يثور ويطالب بحقوقه

وحق على ست أبوها ان تلتزم الصمت الى الابد




انتهى المشهد الاول

والبقيه تأتي

المشهد التاني"شاب زي الورد دبلون صنايع 18 سنه..............انتظرونا
تحياتي
فتافيت السكر


26 comments:

break said...

عشنا وشفنا :D


فى انتظار الجزء التانى بتاع دبلون الصنايع

تحياتى

Jana said...

حمدلله عالسلامة

رووووعة
مش قلتلك حترجعى تكتبى درر

ايوة كدة اقلبى المود وفرفشى

يا ريت كمان تعمليلنا مشهد للست امينة وهى اعدة مجعوصة وحاطة رجليها فى مية وملح
وسى السيد اعد على الارض ومعاه فوطة
يا سلااااااااام
مسيرنا نشوف فيهم يوم...
وعبد الجبار يتقلب ليله نهار

تجننى يا ميرا
تحياتى

MiraMar said...

break
ازيك
وحشتيني
بخصوص الجزء التاني
ياخوفي يابدران
ست أبوها تاخد بالتار
ولا تشوفي لا تاني ولا تالت
ربنا يستر
:)
نورتي يا قمر

MiraMar said...

نانا
يااااااااااه
يا هوا اسكندريه
بترفعي معدنياتي
:)
وبخصوص مشهد الست أمينه
ان شاء الله ان عشنا :)هيكون الجزء التالت
نورتي

Islamist Bloke said...

مش فاهم حاجة
!!

MiraMar said...

islamist bloke
حاجه تزعل
مش فاهم حاجه خالص خالص
يعني مفيش أمل
القصه
اني لقيت بوست في مدونه لمدون
الراجل عمل اللي عليه وزياده
يطالب يانشاء منظمه للمطالبه بحقوق الرجل
تخيلت لوهله لو فعلا الرجال
مهضوم حقهم ومغلوبين على أمرهم
أقصد يعني من حق صاحب المدونه فقط ان يطالب بحق كل الرجال لو كان مكان بطل البوست بتاعي
فهمت حاجه
اتمنى تكون وصلت
وطمني ارجوك لو وصلت
:(
تحياتي

Unknown said...

Great photo! All the best from Catalonia, a nation near the mediterranean sea.

MiraMar said...

tondo _rotondo
thank you very much
the post is great too if u could read arabic
:)
your blog seems to be nice too even if i didt understand a single word

.:.-=- ELGaZaLy-=-.:. said...

همممممممممممممممممم


حلوة اوى
لا والله بج ,,الفكرة جميلة بس هاحدد الجزء الى جاى بقى ..

MiraMar said...

الاخ الغزالي
اخيرا
:)
نورت
كنت بدأت أتصور اني خلاص مليش في الكتابه واني لازم اعتزل بأه
رفقا بالمدونين والمدونات
حاله وبتعدي
وربنا يستر
دعواتك

Unknown said...

مساكين الرداله دول .. يا عيني علي الرداله دول

ربنا يسترها معاهم وتبقي خلفتهم بنات في بنات * ضحكه خبيثه * (ثم يكمل محدثا نفسه) وروني بقي الستات حتعمل ايه كمان 50 سنه .. لما ميزان الستات يميل و كفه الرجاله تقل خالص و يبقو اغلي من الدهب واندر من اليورانيوم المخصب



انا بقي اطالب بمشهد سي السيد لما الاخت مراته خبطها الاوتوبيس وهي نازله من وراه

حسن ارابيسك said...

عشان كده كنت أتابع بشغف مسلسلين جميلين
يانساء العالم إتحدوا
والرجال قادمون
هو ده عشان كده خليكي حريصى شويه في كتاباتك المره الجاية أحسن كله هايتشالك

على فكرة نا عازمك على طبق فول مدمس عندي في مدونتي

MiraMar said...

MeshMosh
wowwwwwwwwwwwwww
هههههههههههه
المشهد الجاي
ست أمينه في البيت وسيد راجع رجله مكسوره بعد ما نزل من وراها وخبطه الاوتوبيس وركبه بتخبط في الجيران
:)

نورت
أنا بهزر وديه كلها فانتازيا
محدش يفهمني غلط
:)

MiraMar said...

حسن ارابيسك
تسلم ايدك طبق الفول عجبني وأكلت صوابعي وراه
:)
نورت

بيتنا القديم said...

ده بعدكم

عشمان حنا

نياهاهاهاهاهاهاهاه

يارجال العالم اتحدوا

تك
كير

sa'7so'7te said...

begad blogek to7fa we begad ente 3assola moot we mestanneyen elgoz2 eltane

علاء عارفين said...

انا مش عارف اعلق اقول ايه

و لسه ياما هنشوف

Jana said...

ميرا
انتى فين يا بنتى
طمنينا عليكى
مش لازم تكتبى بوست لو مش فاضية
بس اكتبى اى حاجة تطمنا
ان شاء الله تكونى بخير
سلام

break said...

عدى جمعتين لحد دلوقتى
هنستنى كتير؟
المهم بس تكونى بخير طمنينا عليكى

sa'7so'7te said...

howwa ana weshe na7s walla eh da ana b3d elmwdo3 elyatem elle raddet feh wente ba2alek gom3eten msh betktebe
tab 3ala el2a2al nazzele enshalla sora 3ashan manzare :)

بيتنا القديم said...

ايه الموضوع

هو انت عامله تضامن مع اميرة البلطجية

عودوا يرحمكم الله

Great wishes said...

بتهرجىىىى .. بجد انا ضحكت قوى على قصصك دى

انا طبعا قرات التلاته ورا بعض

انتى يعنى بتقعدى تبصى للسقف و تطلعى بالفكيرات دى ولا ايه

عموما دمك خفيفك فعلا
ربنا يحفظك

حسن ارابيسك said...

فينك ياست الكل
مستنيكي

MiraMar said...

الغيبه طالت
رجعت والحمد لله على سلامتي
:)))))
بجد وحشتني البلوج
وكل الناس اللي سألت عني
واللي بحبهم جدا
نانا وحشتيني
.....
الاخ سمسم
يجعلو عامر بيك
....
حسن ارابيسك الفنان
نفسي في طبق فول بالزيت الحار من بتوع زمان
............
حبايبي بتوع صيدله
سخسوختي وبريك
بحبكم:)
.....
وكل الناس اللي جت وما لأتنيش
drnight wing
great wishes
اشكركم بشده وعنف
:)))))
كل سنه وانتو طيبين جميعا
ورمضان كريم

حسن ارابيسك said...

ميرامار
ده تالت تواجد ليا في البوست ده
بس ان حبيت اجي اعقب هنا وليس عندي وده لمنزلتك عندي خوفا من زعلك
انتي مدونة اعتز بها دائما وأعتز بكل تعليقاتها بالسلب أو الايجاب
ودي مناسبة عشان أقول كيف القصة ابتدأت بابداع ومع ذلك لم تستطيعي تكملتها..!
المهم ما علينا وبالنسبة لنهاية تعقيبي كانت ليس اكثر من مناسبة ليا للكتابة عن من يدعون الكتابة ولا يقرأون.. وأنا لم أحشرك وسط هذه الزمرة
لذلك اتمنى الأ تكوني أسأتي الفهم
فلكي منزلة جدير بالاحترام انتي وقلمك
سؤال أخير هل المدونى الأخرى لكي تخصك أم لأحد اخر غيرك
وكل الشكر

MiraMar said...

استاذ حسن
الله يكرم اصلك
انا عارفه نفسي
أنا كده زي القطر بياخد في سكته
انتحر طيب
:)
متزعلش مني يا استاذ
وايه الكلمتين الحلوين دول
اعتز بيها وبقلمها وحاجات جامده
كده ده كتير جدا
وعلى فكره والله انا غبيه مكنش المفروض اعلق من البدايه التعليق البايخ ده
بس والله ربنا يعلم انت من الناس الكويسه جدا واللي شجعتني جامد اني اكمل يمكن من غير ما تاخد بالك
انا نفسي اناقشك في القصه بس خلاص بقه مش هتكلم تاني :)
رمضان كريم
المدونه التانيه "اللعبه"انتاج مشترك بيني وبين مجموعه من المدونين كل واحد بيكتب جزء من ابداعه الخاص في تسلسل علشان في الاخر تكون روايه طويله كتبها مجموعه
كل واحد فكر مختلف واسلوب مختلف
بس لسه دوري مجاش
في كتابه الجزء الخاص بيه
سلام